за исцеление от болезни
Молитва благодарственная, по исцелении от болезни святому великомученику и целителю Пантелеимону
Святы́й великому́чениче, цели́телю и чудотво́рче Пантелеи́моне, всеизря́дный уго́дниче Бо́жий и моли́твенниче при́сный христиа́н правосла́вных! Досто́йно нарече́н еси́ Пантелеи́моном, е́же есть всеми́лостивый, я́ко приня́в от Бо́га благода́ть моли́тися за ны и боле́зни цели́ти, ты бога́тно подае́ши всем, к тебе́ притека́ющим, разли́чная исцеле́ния и вся к жи́зни вре́менней и ко спасе́нию потре́бная. Сего́ ра́ди и мы, недосто́йнии, сподо́бившеся твоея́ ми́лости, па́ки пред свято́ю твое́ю ико́ною прибега́ем к тебе́, и прославля́юще тя, я́ко и́скренняго уго́дника Бо́жия, на́шего же ве́рнаго моли́твенника и исцели́теля, усе́рдне благодари́м тя и Пода́теля всех благ Го́спода Бо́га на́шего о вели́ких благодея́ниих, от Него́ то́бою нам бы́вших. Приими́ у́бо ми́лостивно ма́лое сие́ моли́твенное благодаре́ние на́ше, зане́ не и́мамы и́но, что по достоя́нию возда́ти тебе́, и про́чее вре́мя живота́ на́шего не лиши́ нас, немощны́х и гре́шных, твоея́ по́мощи и моли́твеннаго хода́тайства у Го́спода Бо́га на́шего, Ему́же подоба́ет вся́кая сла́ва, благодаре́ние и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Молитва святого праведного Иоанна Кронштадтского
Сла́ва Тебе́, Го́споди Иису́се Христе́, Сы́н единоро́дный безнача́льному Отцу, Ты один исцеля́ешь вся́кий неду́г и вся́кую болезнь у лю́дей, поскольку Ты поми́ловал меня, гре́шного, и изба́вил меня от боле́зни моей, не попусти́в ей разви́ться и умертви́ть меня́ из-за грехов мои́х. Да́руй мне отны́не, Влады́ка, си́лу, чтобы тве́рдо исполнять во́лю Твою́ для спасе́ния души́ мое́й окая́нной, и в сла́ву Твою́ со безначальным Твои́м Отцом и единосу́щным Твои́м Ду́хом, ны́не и всегда и во ве́ки веко́в. Ами́нь.
на церковнославянском:
Сла́ва Тебе́, Го́споди Иису́се Христе́, Сы́не единоро́дный безнача́льного Отца́, еди́не исцеля́яй вся́кий неду́г и вся́ку я́зю в лю́дех, я́ко поми́ловал мя еси́, гре́шного, и изба́вил еси́ мя от боле́зни моея́, не попусти́в ей разви́ться и умертви́ть меня́ по греха́м мои́м. Да́руй мне отны́не, Влады́ко, си́лу тве́рдо твори́ть во́лю Твою́ во спасе́ние души́ мое́й окая́нной и во сла́ву Твою́ со безнача́льным Твои́м Отце́м и единосу́щным Твои́м Ду́хом, ны́не и при́сно и во ве́ки веко́в. Ами́нь.
